Шматмільярдны праект РФ у здабычы нафты ў Арктыцы спыніўся праз санкцыі

Да канца дзясяцігоддзя там планавалася здабываць 2% нафты ў свеце.

Маштабны праект Расеі ў здабычы нафты ў Арктыцы спыненыя праз санкцыі заходніх партнёраў Украіны. Інвестары ацэньвалі яго сукупны кошт на €70 мільярдаў, піша УНИАН.

Такой інфармацыяй падзяліўся кіраўнік Офіса прэзідэнта Украіны Андрэй Ярмак у сваім Telegram-канале.

«Вялікі праект распрацоўкі нафты ў Арктыцы «Усход Ойл» расейскай «Раснафты» спыніўся праз санкцыі. Інвестары ацанілі яго на 70 млрд еўраў. Да канца дзясяцігоддзя там планавалася здабываць 2% нафты ў свеце. Аднак, паводле прагнозаў, запусціць яго не выйдзе да 2029 года, хаця запуск планаваўся ў 2024-м», — напісаў Ярмак.

Кіраўнік ОПУ падкрэсліў, што санкцыі вяртаюць Расею ў мінулае. Асноўнай мэтай сёмага пакета абмежаванняў, паводле слоў кіраўніка, павінен стаць імпарт газу з РФ, а таксама астатнія спосабы пастаўкі нафты.

Нагадаем, паводле звестак выдання Bloomberg, лідары краін «Вялікай сямёркі» разгледзяць магчымасць увядзення гранічных коштаў расейскіх энэрганосьбітаў. На такой ініцыятыве намагаў прэм'ер-міністр Італіі Марыё Драгі.

Тым часам карэспандэнт «Радыё Свабода» Рыкард Ёзвяк сцвярджае, што ЕЗ плануе падрыхтаваць сёмы пакет санкцый супраць РФ прыкладна да канца ліпеня. Аднак ён не будзе закранаць газ і атамную энэргетыку. А галоўным абмежаваннем стане эмбарга на золата.