14 жнiўня 2022, Нядзеля, 6:19
Сім сім, Хартыя 97!
Рубрыкі

У расейскай Цюмені канфіскавалі буйную партыю тытунёвай кантрабанды з Беларусі

У расейскай Цюмені канфіскавалі буйную партыю тытунёвай кантрабанды з Беларусі

Больш за 28 тысячаў пачкаў захоўваліся на складзе адной з транспартных кампаній.

У Цюмені затрымалі найбуйнейшую партыю нелегальных цыгарэтаў, вырабленых у Беларусі: больш за 28 тысячаў пачкаў захоўваліся на складзе адной з транспартных кампаній, піша партал ura.news са спасылкай на рэгіянальную мытню.

Пачкі захоўваліся без абавязковай маркіроўкі і сродкаў ідэнтыфікацыі. Усе цыгарэты былі зробленыя ў Беларусі. У мытнай установе адзначылі, што гэта найбуйнейшая партыя нелегальнага тытуню сёлета.

Цыгарэты ў Цюмень даслалі пяць розных адпраўнікаў. Пастаўкі ішлі з Масквы, Маскоўскай і Уладзімірскай абласцей. Цяпер тытунь канфіскавалі, а парушальнікам пагражае крымінальнае пакаранне і да трох гадоў пазбаўлення волі.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».