У Беларусі забаранілі прадаваць два гатункі марозіва
1- 7.07.2022, 15:13
- 18,418
Што з ім не так?
У Рэестры небяспечнай прадукцыі, забароненай да ўвозу і распаўсюджвання на тэрыторыі Беларусі, з'явіліся два гатункі марозіва. Яго нельга будзе прадаваць з 11 ліпеня, піша citydog.io.
Што яшчэ за рэестр?
Рэестр небяспечнай прадукцыі стварылі ў Дзяржаўным камітэце стандартызацыі для таго, каб пастаўшчыкі, прадаўцы і пакупнікі ведалі, якія тавары праз свае тэхнічныя і смакавыя якасці не могуць прадавацца ў Беларусі.
Рэестр абнаўляецца кожны тыдзень. Вось што забаранілі на гэты раз.
Малаказмяшчальны прадукт замарожаны эскімо «НУК БАР» арахісавае
Вытворца: LOTTE CONFECTIONERY CO., LTD.
Пастаўшчык у Беларусь: ТДА «ВІТАЛЮР», Менскі р-н.
Чаму забаранілі: у апісанні гаворыцца, што прадукцыя не адпавядае патрабаванням тэхнічных рэгламентаў Мытнага саюза. «У выніку выпрабаванняў устаноўлена, што масавая доля расліннага тлушчу складае 22 адсоткі, масавая доля агульнага тлушчу ў малаказмяшчальнай частцы прадукту 8 адсоткаў, з іх масавая доля малочнага тлушчу ў тлушчавай фазе 78 адсоткаў».
Выраб кандытарскі цукрысты дэсерт замарожаны, эскімо «Перэра Айс» з міндалем
Вытворца: LOTTE CONFECTIONERY CO., LTD.
Пастаўшчык у Беларусь: ТДА «ВІТАЛЮР», Менскі р-н.
Чаму забаранілі: у апісанні гаворыцца, што прадукцыя не адпавядае патрабаванням тэхнічных рэгламентаў Мытнага саюза. «У выніку выпрабаванняў устаноўлена, што масавая доля агульнага тлушчу ў малаказмяшчальнай частцы прадукту 7,5 адсотка, з іх масавая доля малочнага тлушчу ў тлушчавай фазе большая за 85 адсоткаў, масавая доля расліннага тлушчу складае 15 адсоткаў».