Пад Берасцем 600 цыстэрнаў з расейскім газам могуць падарвацца ў кожную хвіліну
37- 7.07.2022, 21:57
- 49,228
Улады бяздзейнічаюць.
Жыхарам Берасця пагражае смяротная небяспека: больш за 600 цыстэрнаў з газам могуць падарвацца ў кожную хвіліну.
Тэлеграм-канал «Баста!» апублікаваў паведамленне свайго падпісчыка аб абуральнай маладушнасці і бязладнасці берасцейскіх «уладаў»:
«Жыхары мікрараёна «Усходні» б'юць трывогу! На адрэзку чыгункі ад станцыі «Брэст-Усходні» да станцыі «Брэст-Палескі» ўжо цягам месяца стаіць больш за 600 цыстэрнаў са звадкаваным газам, якія належаць расейскаму «Газпрому».
Гэтыя цыстэрны павінны былі адправіцца ў Еўропу, але пасля ўвядзення санкцый Польшча не прапусціла іх праз мяжу і назад у Расею іх таксама чамусьці не транспартуюць.
Пры гэтым анамальная спякота ў горадзе Берасці цягам апошніх тыдняў 30 чэрвеня ўжо стала прычынай аварыйнага выкіду газу з адной цыстэрны (пры высокай тэмпературы газ пашыраецца і «выходзіць» з цыстэрны праз клапан аварыйнага скіду). Выбух неймаверных памераў мог бы адбыцца пры з'яўленні хоць адной іскры побач з гэтай цыстэрнай.
Прайшло яшчэ некалькі дзён, а ўсе астатнія цыстэрны стаяць там жа».
А вось так «улады» засцераглі людзей ад смяротнай небяспекі:
«Усіх працаўнікоў чыгункі прымусілі падпісаць мноства лістоў аб неразгалошванні інфармацыі і забаранілі паліць - вось і ўсе захады для прадухілення катастрофы».