Што вядома аб выцеку звестак крам «Суседзі»

У Сетку выклалі звесткі больш чым 634 тысячы пакупнікоў.

Тэлеграм-канал «Уцечкі інфармацыі» паведаміў, што ў адкрыты доступ былі выкладзеныя звесткі кліентаў беларускай сеткі крам «Суседзі». Пра тое, што здарылася, таксама распавялі і чытачы «Зеркала».

Выцек датуецца 5 ліпеня і змяшчае звесткі 634279 зарэгістраваных карыстальнікаў на сайце сеткі sosedi.by.

У адкрыты доступ патрапілі лагіны, адрасы электроннай пошты, тэлефоны, хэшаваны пароль, а таксама дата рэгістрацыі і апошняга ўваходу ў профіль на сайце гандлёвай сеткі.

Тэлеграм-канал «Уцечка інфармацыі» выбарачна праверыў выпадковыя запісы са злітай інфармацыі праз функцыю аднаўлення пароля на сайце гандлёвай сеткі. Усе лагіны і тэлефоны з гэтых запісаў выявіліся сапраўднымі.

Між тым на афіцыйным сайце гандлёвай сеткі аб выцеку персанальных звестак кліентаў інфармацыі няма. Журналіст «Зеркало» звярнулася ў кол-цэнтр гандлёвай сеткі «Суседзі» як фізічная асоба.

- На сёння хостэр высвятляе актуальнасць гэтага інцыдэнту, - адказалі ў кол-цэнтры.

- А што рабіць кліентам?

- Калі спатрэбяцца якія-небудзь дадатковыя дзеянні з вашага боку, мы абавязкова вам пра гэта паведамім, - растлумачыла аператарка.

Пакуль атрымаць афіцыйны каментар у гандлёвай сетцы «Суседзі» не ўдалося.