Да +26°С чакаецца ў Беларусі ў пятніцу
- 7.07.2022, 18:05
- 1,746
Без ападкаў.
Без ападкаў і да плюс 26 градусаў чакаецца ў Беларусі 8 ліпеня, паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.
У пятніцу, 8 ліпеня, будзе пераменная воблачнасць і пераважна без ападкаў. Уначы і раніцай месцамі слабы туман. Вецер ноччу няўстойлівы слабы, удзень заходні 3-8 м/с.
Тэмпература паветра ўначы складзе плюс 8-13 градусаў, а па паўднёвым усходзе дасягне плюс 15 градусаў. Удзень паветра прагрэецца да плюс 20-26 градусаў.