ДАІ абвясціла аб адпрацоўцы трас М1 і М4

Будуць сачыць і з цывільных аўто.

З пятніцы да панядзелка (з 8 да 11 ліпеня) інспектары правядуць масаваную адпрацоўку аварыйна-небяспечных адцінкаў аўтадарог М1 і М4, паведамілі ва УУС Мінаблвыканкама. Папярэджваюць аб негалосным і змяшаным кантролі. Гэта значыць будуць задзейнічаны аўтамабілі з цывільнай афарбоўкай без ліўрэі, маячкоў і чырвоных нумароў.

«Асаблівую ўвагу нададуць парушэнням ПДР, якія з'яўляюцца асноўнымі прычынамі ДТЗ з цяжкімі наступствамі, - распавялі інспектары. - А менавіта: язда без правоў і ў стане алкагольнага ап'янення; парушэнне хуткаснага рэжыму і правіл перавозкі пасажыраў (асабліва дзяцей); непрадастаўленне перавагі ў руху пешаходам; парушэнні з боку веласіпедыстаў і тых, хто перасоўваецца пешшу (у першую чаргу ўначы)».