Дзве стратэгічныя паразы Пуціна

Экс-галоўнакамандуючы Сіл NATO ў Еўропе расказаў аб маштабных правалах Крамля.

Адстаўны генерал і экс-галоўнакамандуючы Сіл NATO ў Еўропе Філіп Брыдлаў у інтэрв'ю НВ распавёў пра два стратэгічныя паражэнні расейскага дыктатара Уладзіміра Пуціна і пра тое, чаго ён цяпер дамагаецца.

«Калі паглядзець на тое, як гэтая вайна праводзілася спачатку, то бачна, што мэтай Пуціна на першых яе этапах было цалкам знішчыць урад Зяленскага і дзейныя дзяржаўныя інстытуты ва Украіне, а ўладу перадаць лаяльным прадстаўнікам. Ён чакаў, што ўкраінцы будуць сустракаць яго з распасцёртымі абдымкамі, ваенную кампанію ўдасца скончыць праз тыдзень, Захад не будзе ўступацца за Украіну», - сказаў у інтэрв'ю НВ Брыдлаў.

Са слоў экс-галоўнакамандуючага Сіл NATO ў Еўропе першую стратэгічную паразу расейскі дыктатар пацярпеў у бітве за Кіеў, а затым сутыкнуўся з наступствамі другой стратэгічнай паразы ў наваколлях Харкава.

«Цяпер ён рэарганізаваўся і спрабуе перамагчы ў бітве за Данбас. Я дагэтуль веру, што яго мэта нязменная - прыбраць урад Зяленскага і прывесці да ўлады лідараў, абсалютна лаяльных Маскве. ...Саступіўшы ў маштабнай інтэрвенцыі, ён спрабуе дамагчыся той жа мэты, кавалак за кавалкам захопліваючы тэрыторыі на Данбасе, абяскроўліваючы ўкраінскае войска, руйнуючы ўкраінскую інфраструктуру і ўкраінскую эканоміку», - упэўнены Брыдлаў.