Украінскія танкісты ўдарылі па базе акупантаў
3- 10.08.2022, 15:57
- 8,856
Знішчаныя тэхніка і жывая сіла ворага.
Украінскія танкісты разам з марскімі пяхотнікамі нанеслі дакладныя ўдары па базе расейскіх захопнікаў, знішчыўшы бронетэхніку і жывую сілу ворага.
Пра гэта распавялі на старонцы 3-й асобнай танкавай брыгады ў Facebook.
Паводле паведамлення, танкісты УСУ адпрацавалі па варожых пазіцыях разам з байцамі 503 асобнага батальёна марской пяхоты.
На апублікаваным відэа зафіксаваны момант удару па базе акупантаў, дзе вораг размясціў бронетэхніку, а таксама знішчэнне закінутага будынка, у якім хаваліся сама меней 20 байцоў расейскага войска.