9 снежня 2022, Пятніца, 5:04
Сім сім, Хартыя 97!
Рубрыкі

Пуціна зрынуць з трона

9
Пуціна зрынуць з трона

Сітуацыя ў Расеі можа рэзка змяніцца.

Расейскага дыктатара Уладзіміра Пуціна ніхто зараз не чапае ў РФ і не спрабуе адхіліць ад улады, бо ён гадамі працаваў над распаўсюджваннем страху як сярод простых людзей, так і сярод алігархаў і самой вярхушкі ўлады.

Нават калі б нехта хацеў выступіць супраць Пуціна, яны баяцца як яго самога, так і ФСБ і спецслужбаў. Пра гэта сказаў сацыёлаг, публіцыст і аўтар кніг «Сістэма Пуціна», «Новая нацыянальная ідэя Пуціна» і інш. Ігар Эйдман у інтэрв'ю для сайта «Главред».

«Цалкам відавочна, што Пуцін працуе супраць інтарэсаў усіх сацыяльных пластоў - як кіруючай эліты, так і простых людзей. Але палітычнае поле ў Расеі так затаптанае, так прымусова праполатае з боку расейскіх уладаў і спецслужбаў, рэпрэсіямі, тэрорам, што ўсе проста баяцца. Яны баяцца Пуціна, ФСБ, спэцслужбаў. Баяцца ўсе - і алігархі, і простыя людзі, і самі прадстаўнікі пуцінскай верхавіны, і сам Пуцін», - адзначае Эйдман.

З-за таго, што расейскае грамадства спаралізавана страхам, ніхто з простых расейцаў не набіраецца смеласці, каб паспрабаваць здзейсніць нейкія перавароты.

Аднак сітуацыя можа змяніцца. І зменіцца яна тады, калі асяроддзе Пуціна ўбачыць, што Акела спудлаваў.

«Гэта значыць, што Пуцін саступае, страчвае ўладу, яго ўжо можна не баяцца і час дзяліць той пірог, які застанецца пасля яго. Тады ўсё зменіцца, і пачнецца барацьба ўсіх з усімі ў расейскай верхавіне», – адзначае публіцыст.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».