9 снежня 2022, Пятніца, 5:08
Сім сім, Хартыя 97!
Рубрыкі

Стала вядома, колькі беларусаў атрымалі ДНЖ у Еўропе ў 2021 годзе

2
Стала вядома, колькі беларусаў атрымалі ДНЖ у Еўропе ў 2021 годзе

Гэты паказчык вырас больш як удвая ў параўнанні з 2020 годам.

Еўрастат прывёў статыстыку аб замежных грамадзянах, якія атрымалі дазвол на жыхарства ў дзяржавах ЕЗ летась.

Па выніку беларусы ў колькасці выдадзеных дакументаў занялі трэці радок - больш за 149 тысяч чалавек атрымалі дакументы.

На першым месцы другі год запар былі грамадзяне Украіны (875 тысяч), на другім - Марока (150 тысяч). Грамадзяне Індыі на чацвёртым месцы - 110 тысяч.

Рэкордны рост

Характэрна, што колькасць беларусаў, якія атрымалі першы дазвол на жыхарства ў ЕЗ у 2021 годзе, вырасла больш як удвая ў параўнанні з 2020 годам.

Тады іх было 63,5 тысячы.

Амаль палова беларусаў (47%) атрымалі ДНЖ для працы, 45% - з іншых прычын. Астатнія ДНЖ былі выдадзеныя для вучобы і з сямейных прычын.

Хто выдаў больш ДНЖ

Больш за ўсё дакументаў на часовае пражыванне нашым суграмадзянам выдала Польшча - 131 тысячу.

Дазвол на жыхарства ў Літве атрымалі 9,2 тысячы беларускіх грамадзян, у Чэхіі - 1,8 тысячы, Латвіі - 948 чалавек, Гішпаніі - 737 чалавек.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».