Расейцы спрабавалі фарсіраваць раку на Харкаўшчыне і ўтапілі тэхніку
6- 11.08.2022, 16:30
- 14,968
Задума акупантаў не ўдалася.
Расейскія акупанты спрабавалі фарсіраваць раку Аскол у Бароўскім раёне Харкаўскай вобласці. Аднак задума не ўдалася і тэхніка ворага проста затанула.
Пра гэта паведамілі на старонцы Бароўскай пасялковай рады ў Facebook.
Адзначаецца, што Бароўшчына пакуль знаходзіцца пад часовай акупацыяй расейскіх захопнікаў. Войскі акупантаў у большасці сваёй пакінулі тэрыторыю грамады, але захоўваюць кантроль за мясцовасцю.
«Перыядычна калоны расейскіх войскаў праходзяць праз населеныя пункты Бароўшчыны транзітам. Некаторыя спрабуюць рабіць гэта ўброд праз Аскол, але беспаспяхова», - сказана ў заяве.
Баявыя дзеянні на тэрыторыі грамады не вядуць, але апошнім часам, са слоў прадстаўнікоў пасялковай рады, усё часцей чутныя гукі выбухаў з боку Ізюму.
«Узброеныя сілы Украіны адціскаюць ворага на Ізюмскім кірунку і кожны дзень набліжаюць дзень вызвалення роднай зямлі», - рэзюмавалі ў заяве.