9 снежня 2022, Пятніца, 6:09
Сім сім, Хартыя 97!
Рубрыкі

У Нямеччыне судзяць ветэрана бундэсвера за шпіянаж на карысць Расеі

5
У Нямеччыне судзяць ветэрана бундэсвера за шпіянаж на карысць Расеі

Яму пагражае пяць гадоў пазбаўлення волі.

Суд у нямецкім Дзюсельдорфе 11 жніўня пачаў разгляд справы аб шпіянажы на карысць Расеі. Абвінавачанне выстаўленае 65-гадоваму ветэрану Бундэсвера Ральфу Гёлерту. Яму пагражае да пяці гадоў пазбаўлення волі. Пра гэта паведамляе газета «Коммерсантъ».

Федэральная пракуратура Нямеччыны сцвярджае, што Гёлерт кантактаваў з расейскай выведкай з кастрычніка 2014 года да сакавіка 2020 года. За гэты час, сцвярджае следства, ён перадаў Расеі шэраг дакументаў, у тым ліку тых, якія тычацца газаправода паміж Расеяй і Нямеччынай «Паўночны струмень - 2».

Акрамя таго, кажа абвінавачанне, ён дзяліўся інфармацыяй, звязанай з бяспекай і абаронай Нямеччыны. Як сцвярджаецца, Гёлерт раскрыў расейскай выведцы персанальныя звесткі высокапастаўленых чальцоў бундэсвера і загадзя перадаў Маскве «Белую кнігу» бундэсвера 2016 года. У гэтым дакуменце войска раскрывае канцэпцыі, якіх прытрымліваецца ў сваёй працы.

У абвінавачанні сказана, што ветэран перадаваў усе гэтыя звесткі не за грошы, а за запрашэнні на мерапрыемствы, арганізаваныя Крамлём. Паводле інфармацыі часопіса Der Spiegel, Гёлерт не адмаўляе перадачу матэрыялаў «знаёмым з Расеі», але намагае, што не ведаў аб іх сувязях са спецслужбамі.

Большасць перададзеных дакументаў знаходзіліся ў адкрытым доступе. Але адабраная інфармацыя магла быць карыснай расейскім спецслужбам, мяркуе следства.

Пасля выхаду ў запас Гёлерт амаль 35 гадоў працаваў у нямецкім філіяле амерыканскай карпарацыі, якая займаецца пакрыццямі і клеем. У апошнія гады Гёлерт займаў у ёй пасаду галоўнага мэнэджара ў продажах.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».