Удар па аэрадроме ў Крыме: Колькі каштуюць знішчаныя расейскія самалёты
6- 12.08.2022, 8:38
- 14,428
Выданне Forbes правяло падлікі.
У выніку ўдару па аэрадроме каля Навафёдараўкі ў Крыме было знішчана ад 8 да 24 адзінак расейскай авіятэхнікі. Выданне Forbes палічыла іх кошт у залежнасці ад колькасці і класіфікацыі.
Паводле звестак выдання, перад выбухамі на аэрадроме размяшчалася авіятэхніка коштам $650–850 мільёнаў.
Паводле падлікаў, арыентавальны кошт расейскіх самалётаў складае:
Су-30СМ – $ 50 мільёнаў
Су-24МР – $ 6 мільёнаў
Іл-76 – $ 86 мільёнаў
У некаторых выпадках могуць быць абставіны, якія значна ўплываюць на кошт асобных адзінак, зазначае выданне.
Тэлеканал CNN паведаміў, што падчас выбухаў на аэрадроме ў акупаваным Крыме Расея страціла не менш за сем ваенных самалётаў – найбольшую колькасць за раз з часоў Другой сусветнай вайны.
Эксперты і OSINT-аналітыкі выказалі здагадку, што на аэрадроме магло быць знішчана больш за дзесяць самалётаў краіны-тэрарысткі (паводле звестак Генштаба УСУ – дзевяць). На думку Паветраных сілаў, страты акупантаў вышэйшыя.
9 жніўня на ваенным аэрадроме Сакі каля Навафёдараўкі ў акупаваным Расеяй Крыме прагрымела некалькі выбухаў.