Пісьменнік Салман Рушдзі падпаў пад напад у ЗША
- 12.08.2022, 19:17
- 4,492
На яго напаў чалавек з нажом.
Пісьменнік Салман Рушдзі, чыёй смерці жадаў Іран, падпаў пад напад у ЗША.
Як паведамляюць сусветныя агенцтвы, Рушдзі рыхтаваўся выступіць з лекцыяй у адным інстытуце ў Нью Ёрку, і яго ўжо прадстаўлялі публіцы, калі на сцэну выскачыў невядомы і напаў на пісьменніка.
Паводле зввестак агенцтва «Франс Прэс», паліцыя паведамляе, што нападнік выцяў Рушдзі нажом.
Рушдзі, як паведамляюць агенцтвы, упаў. Нападніка скруцілі.
Рушдзі на насілках вынеслі з будынка Інстытута Чатакуа і на гелікаптэры павезлі ў шпіталь. Інфармацыі аб стане пісьменніка пакуль няма.
Salman Rushdie was taken to the hospital by medical helicopter.
— Chaudhary Parvez (@ChaudharyParvez) August 12, 2022
Author Salman Rushdie was stabbed after taking stage at a Chautauqua Institute event.
This man has been detained by police.-#NYPD#SalmanRushdie #Newyork pic.twitter.com/M2xt3nicbh
Індыец Салман Рушдзі - аўтар кнігі пра іслам «Шатанскія вершы». Шмат хто з мусульман прыняў яе за блюзнерскую, і ў 1988 годзе вярхоўны лідэр Ірана аятала Хамэйні выдаў фетву-наказ забіць Рушдзі. За галаву пісьменніка, які жыве на Захадзе, адзін іранскі ісламскі фонд абяцае 3,3 млн даляраў.
