У Зяленскага назвалі пяць крокаў для перамогі ў вайне супраць Расеі
4- 13.08.2022, 11:31
- 3,028
Адзін з іх – газавае эмбарга для РФ.
Кіраўнік Офіса прэзідэнта Андрэй Ярмак назваў пяць крокаў, якія дапамогуць Украіне перамагчы ў вайне супраць Расеі, разбурыўшы яе эканоміку і войска.
Пра гэта паведамляе РБК-Украіна са спасылкай на Telegram-канал кіраўніка ОП.
Паводле словаў Ермака, Украіне дапамогуць наступныя крокі:
прызнанне Расеі дзяржавай – спонсаркай тэрарызму;
візавы бан для расейцаў;
абмежаванне кошту нафты;
газавае эмбарга;
пастаўкі Украіне зброі.
«Гэтыя крокі дапамогуць нам перамагчы Расею, разбурыўшы яе эканоміку, войска, а таксама пазбавяць іх жадання ваяваць і шантажаваць заходні свет», – адзначыў кіраўнік ОП.
Нагадаем, нядаўна прэзідэнт Украіны Уладзімір Зяленскі заклікаў краіны ўвесці забарону ўезду для ўсіх расейцаў у краіны Захаду, растлумачыўшы, што гэта дапаможа прымусіць расейцаў зразумець, што яны маюць дачыненне да вайны РФ супраць Украіны.
Пасля чаго такую ініцыятыву падтрымалі ў Эстоніі, Чэхіі і Латвіі.
Неўзабаве кіраўнік МЗС Чэхіі паведаміў, што прапануе краінам ЕЗ разгледзець забарону шэнгенскіх візаў для расейцаў ужо ў канцы жніўня.