Украінскія памежнікі знішчылі два грузавікі з акупантамі і перашкодзілі ворагу фарсіраваць Северскі Данец

Тэхніку ворага падбілі з супрацьтанкавых гранатамётаў.

На Славянскім кірунку памежнікі знішчаюць захопнікаў і іх тэхніку.

Пра гэта паведамляе прэс-цэнтр Дзяржпамежслужбы Украіны.

Як адзначаецца, абараняючы бераг ракі Северскі Данец, памежнікі разам з байцамі Сілаў абароны выявілі ворага на супрацьлеглым баку ракі.

«З супрацьтанкавых гранатамётаў байцы знішчылі два грузавікі і асабовы склад акупантаў. Таксама на адным з наглядальных пастоў абаронцы прадухілілі спробу варожай дыверсійна-выведнай групы фарсіраваць Северскі Данец. Памежнікі адкрылі агонь, пасля чаго вораг адышоў са стратамі», – гаворыцца ў паведамленні.