У Беларусі забаранілі прадаваць марозіва

У ім амаль няма малака.

У рэестр небяспечнай прадукцыі ўнеслі два тыпы прадукцыі ад расейскага вытворцы ААТ "Новосибхолод": марозіва ў шкляначцы з варанай згушчонкай "ДАСТ" і марозіва на палачцы ў шакаладнай глазуры "Джэмтайм", піша intex-press.by.

Спецыялісты Дзяржстандарта высветлілі, што ва ўказаным марозіве амаль няма малака - адзін суцэльны заменнік, хоць стандарты дапускаюць выкарыстоўваць пры вырабе марозіва не больш за 50% заменніка малочнага тлушчу.

З 16 жніўня ўказаную прадукцыю афіцыйна забаронена ўвозіць і прадаваць у Беларусі.