29 сакавiка 2024, Пятніца, 16:21
Падтрымайце
сайт
Сім сім,
Хартыя 97!
Рубрыкі

Зміцер Бандарэнка: Мы з'яўляемся часткай сусветнай дэмакратычнай кааліцыі і мы непазбежна пераможам

10
Зміцер Бандарэнка: Мы з'яўляемся часткай сусветнай дэмакратычнай кааліцыі і мы непазбежна пераможам

Да чаго сёння рыхтавацца беларусам.

Да чаго сёння рыхтавацца беларусам, якія хочуць вызвалення сваёй краіны ад дыктатуры?

На гэтае пытанне сайту Charter97.org адказаў каардынатар грамадзянскай кампаніі «Еўрапейская Беларусь» Зміцер Бандарэнка.

— Беларусы крыху спазняюцца. На жаль, толькі ў 20-м годзе народныя масы далучыліся да барацьбы за лепшае жыццё. Але не было разумення, не было досведу, як дзейнічаць, асабліва, калі многія беларускія лідары апынуліся ў турме. З новай гарачай фазай расейскай агрэсіі ва Украіне сітуацыя памянялася. І я, як чалавек, які шмат гадоў выступаў за негвалтоўнае супраціўленне, сёння кажу, што змена ўлады ў Беларусі можа адбыцца толькі вайсковым шляхам і ў выніку сумесных дзеянняў беларусаў і нашых хаўруснікаў ва Украіне, а таксама краінах NATO.

Мы мелі магчымасць на працягу многіх гадоў негвалтоўным шляхам змяніць уладу. Як гэта, напрыклад, зрабілі дэмакраты ў Славакіі, у Сербіі, ва Украіне падчас «Аранжавай рэвалюцыі», у Грузіі, у Кыргызстане, Арменіі і іншых краінах, у Малдове той жа самай. Беларусы ўпусцілі гэты момант. Сёння ж мы - частка глабальных працэсаў, частка рэгіянальных працэсаў. І занадта ўжо Пуцін і Лукашэнку закусілі цуглі. Цяпер змена ўлады можа адбыцца толькі вайскова-палітычным шляхам. Я разумею, як цяжка пра гэта нават думаць.

Але з іншага боку, ведаю з размоваў з прадстаўнікамі палка Каліноўскага, што тысячы беларусаў звяртаюцца да іх, хочуць патрапіць любым шляхам ва Украіну і чакаюць, калі пачнецца вызваленне нашай краіны. І беларускія мужчыны знутры падтрымаюць гэты вызваленчы паход. А больш актыўная частка, мы ведаем, ужо займаецца партызанскімі акцыямі, якія вельмі падобныя да таго, што адбываецца ў Крыме, на акупаваных тэрыторыях Херсоншчыны, Харкаўшчыны, Запарожжа, дзе людзі вядуць не толькі інфармацыйную працу супраць захопнікаў, але і здзяйсняюць больш актыўныя дзеянні.

Мы не адны, мы частка залатога мільярда цывілізаванага свету, які хоча жыць па-сучаснаму, хоча жыць па-чалавечы, калі пафасна казаць - у адпаведнасці з прынцыпамі гуманізму. Мы разам з краінамі, якія змагаюцца супраць дыктатарскіх, фашысцкіх рэжымаў, такіх як рэжымы Лукашэнкі і Пуціна. І паколькі мы з'яўляемся часткай сусветнай дэмакратычнай кааліцыі, мы непазбежна пераможам.

Напісаць каментар 10

Таксама сачыце за акаўнтамі Charter97.org у сацыяльных сетках