Беларусы распрадаюць лецішчы

Колькасць выстаўленых на продаж аб'ектаў загараднай нерухомасці пад Менскам працягвае расці 6 месяц запар.

Прапанова загараднай нерухомасці пад Менскам у чэрвені 2022 года ўстанавіла новы рэкорд. Колькасць выстаўленых на продаж аб'ектаў вырасла яшчэ на 1% у параўнанні з траўнем, піша realt.by.

У большасці сваёй прапанова папоўнілася за кошт «старых» дамоў з годам пабудовы да 2010 года (7% да траўня), а таксама надзелаў (1%). Колькасць сучасных дамоў за месяц, наадварот, зменшылася на 2%. Колькасць недабудаваных дамоў і лецішч у параўнанні з траўнем практычна не змянілася.

Тым не менш, бягучы ўзровень пакупальніцкай актыўнасці істотна ніжэйшы, чым у мінулыя гады. Нават у параўнанні з даволі няўдалым чэрвенем 2021 годам у Менскім раёне ўклалі на 13% менш угод, у найбліжэйшых раёнах - на 6% менш.

Кошты значна вышэйшыя, чым летам мінулага года.

Бягучы ўзровень коштаў прыкметна вышэйшы, чым у пачатку лета мінулага года. За год істотней за ўсё падаражэлі надзелы і лецішчы - плюс 11% у абодвух выпадках. Сучасныя дамы пасля 2010 года пабудовы сталі даражэйшымі на 8%, «старыя» і недабудаваныя дамы - на 4% у абодвух выпадках.

Тым не менш, у чэрвені ў залежнасці ад сегмента дынаміка коштаў была рознанакіраванай. Так, рост адзначаўся ў лецішчаў (2% да траўня) і дамоў, пабудаваных да 2010 года (1%). Зніжэнне - у пляцаў (-2%), «недабудаваных аб'ектаў» (-1%) і сучасных дамоў (-1%).