Стала вядома, што расейцы захоўвалі на знішчанай базе пад Джанкоем
29- 16.08.2022, 12:56
- 49,144
Незадоўга да выбухаў там значна ўзмацнілі СПА.
Незадоўга да выбухаў у раёне Джанкоя расейскія акупанты значна ўзмацнілі СПА. Папярэдне там налічвалася блізу 50 адзінак рознай тэхнікі.
Пра гэта паведамляе Страткам УСУ.
У раёне аэрадрома паблізу Джанкоя было разгорнута, паводле папярэдніх звестак:
не менш за 8 ЗРС С-400;
3 ЗРК С-300;
5 ЗРПК "Панцыр-С1".
Да таго ж у раёне чыгуначнай станцыі "Азоўская" праводзілася разгрузка:
17 ББМ;
10 САУ "Гваздзік";
7 САУ "Мста-С";
2 САУ "Півоня";
3 РСЗА БМ-21 "Град", а таксама боепрыпасаў.
"Акрамя таго, на аэрадроме было засяроджана 440 ТПК (транспартна-пускавыя кантэйнеры, – рэд.)", – гаворыцца ў паведамленні.
Як дадаюць ва ўстанове, гэтыя ТПК там былі сканцэнтраваныя ў такой колькасці не столькі для абароны паветранай прасторы, колькі для адпраўкі ў Херсонскую і Запарожскую вобласці для абстрэлаў Нікалаева і Запарожжа.
"Асабліва напярэдадні і непасрэдна 24 жніўня (Дзень Незалежнасці Украіны – рэд.)", – падкрэсліваюць у Страткаме.
Нагадаем, раніцай 16 жніўня ў часова акупаваным Крыме прагрымелі выбухі. У Джанкойскім раёне здэтанавала сховішча боепрыпасаў.