«Надта тлустая цэль»: экспэрт распавёў, якая тэхніка РФ была на месцы выбуху ў Джанкоі

Яе збіраліся перакідаць на тэрыторыю Херсонскай і Запарожскай абласцей.

Расейскія вайскоўцы самі сцягнулі процьму тэхнікі да Джанкоя ў Крыме, дзе раніцай адбыліся магутныя выбухі. Там была вайсковая тэхніка, якую збіраліся перакідаць на тэрыторыю Херсонскай і Запарожскай абласцей. Пра гэта вайсковыпаведаміў экспэрт Аляксандр Каваленка.

З ягоных слоў, там захоўваліся зенітна-ракетныя сістэмы С-400, зенітныя ракетна-гарматныя комплексы «Панцыр-С1», «Грады» і розныя САУ.

«І гэта вельмі паказальна, асабліва з улікам таго, які патэнцыял быў сканцэнтраваны ў гэтай лакацыі», - адзначыў экспэрт.

Каваленка дадаў, што ля аэрадрома было размешчана:

8 ЗРС С-400,

3 ЗРК С-300,

5 ЗВК «Панцыр-С1»,

засяроджана 440 ППК.

Паблізу чыгуначнай станцыі «Азоўская» праводзілася разгрузка такой тэхнікі:

17 баявых бронемашын,

10 САУ «Гваздзік»,

7 САУ «Мста-С»,

2 САУ «Півоня»,

3 РСЗА БМ-21 «Град»,

боепрыпасаў.

«Джанкой - гэта надта тлустая, тлустая цэль вузлавая транзітная. І гэтая вельмі тлустая цэль чакала свайго часу. Як і іншыя цэлі, што чакаюць свайго часу. Бо на кожным аб'екце ёсць свой галавацяп. Ага. Рэінтэграцыя Крыма пачалася», - напісаў Каваленка.

Раніцай у аўторак, 16 жніўня, у Джанкойскім раёне акупаванага Расеяй Крыма раздаліся выбухі, успыхнуў пажар. Стала вядома аб дэтанацыі на складзе боепрыпасаў у пасёлку Майскім.

У Мінабароны РФ заявілі, што ў Майскім раёне Крыма ўзнік пажар на тэрыторыі пункта часовага захоўвання боепрыпасаў адной з воінскіх частак. Паведамляецца, што сур'ёзных пацярпелых у выніку пажару на складзе боепрыпасаў у Джанкоі няма.

Пазней у РФ заявілі, што выбух адбыўся нібыта ў выніку дыверсіі. Таксама там сцвярджаюць, што было пашкоджана чыгуначнае палатно, ЛЭП, электрастанцыя і жылыя дамы.