Міністр абароны Беларусі: Мы падтрымліваем Расею

Напад на Украіну, са слоў Хрэніна, - гэта «прэвентыўная рэакцыя».

Міністр абароны Беларусі Віктар Хрэнін падчас выступу на X Маскоўскай канферэнцыі ў міжнароднай бяспецы заявіў, што падтрымка рэжымам Расеі, якая пачала агрэсію супраць Украіны, стала прэвентыўнай рэакцыяй на ваенную пагрозу з боку Захаду.

«Выкананне хаўрусніцкіх абавязацельстваў Рэспублікай Беларусь у дачыненні да дзеянняў Расейскай Федэрацыі ва Украіне міністр уважае за прэвентыўную рэакцыю на пагрозу развязвання ваеннай агрэсіі супраць Беларусі», - паведамляе прэс-служба Мінабароны.

Хрэнін таксама заявіў, што ўсходнееўрапейскія дзяржавы прапануюць сябе на ролю інструментаў і плацдармаў экспансіі супраць так званай саюзнай дзяржавы, дэманструючы рашучасць выкарыстоўваць усе захады.

«Аж да наўпроставага ваеннага сутыкнення. Што мы, уласна, і бачылі ў канцы мінулага года паблізу нашых межаў», - сказаў Хрэнін.

Са слоў Хрэніна «сутычка разгорнутая па ўсіх франтах», уключаючы ментальны і эканамічны складнікі. На коне стаіць «права Захаду дыктаваць астатнім правілы гульні і свабодна распараджацца сусветнымі рэсурсамі».