Працавала тая ж сістэма: экспэрт параўнаў удары па авіябазах расейцаў у Крыме

Магчыма знішчэнне яшчэ і аэрадрома ў Бельбеку.

На авіябазе расейцаў у пасёлку Гвардзейскае пад Севастопалем у часова акупаваным Крыме, дзе 16 жніўня прагрымелі выбухі, базаваўся змяшаны авіяцыйны полк на бамбавіках Су-24 і Су-25. Удару па ёй трэба было чакаць.

Такое меркаванне выказаў журналіст, ваенны экспэрт і галоўны рэдактар Defense Express Алег Каткоў у эфіры 24 канала.

«Сцэнар удару па гэтым аэрадроме існаваў, як і гіпатэтычна магчымае знішчэнне яшчэ і аэрадрома ў Бельбеку, дзе грунтуецца асобны знішчальны полк», – мяркуе экспэрт.

На ягоную думку, у гэтым выпадку логіка ўдару па названай авіябазе акупантаў зразумелая, бо выводзіцца са строю варожая авіяцыя:

«Першым быў аэрадром «Сакі» ў Новафёдараўцы, цяпер – «Гвардзейскае». Дыстанцыя паміж імі ўсяго 30 - 40 кіламетраў, гэта значыць, хутчэй за ўсё, працавала тая ж сістэма, што і па «Саках».

Што ж да выбухаў 16 жніўня каля Джанкоя, то на думку Каткова, іх было немагчыма загадзя прадугледзець або спрагназаваць.

Выбухі ў акупаваным Крыме 16 жніўня: што вядома

У аўторак раніцай акупацыйныя ўлады Крыма паведамілі аб пажары на электрастанцыі ў Джанкойскім раёне. Пазней стала вядома, што ўзгаранне адбылося ў расейскай вайсковай частцы ў Азоўскім.

Крамлёўскія прапагандысты дадалі, што ў выніку здарэння пашкоджаная таксама чыгунка.

The New York Times са спасылкай высокапастаўленага чыноўніка з Украіны піша, што да выбухаў у Джанкоі датычнае элітнае ўкраінскае падраздзяленне.

Выбухі былі чуваць і на авіябазе акупантаў у пасёлку Гвардзейскае (Сімферопальскі раён). Відавочцы, якіх цытавалі расейскія СМІ, бачылі чорны дым, які ўзнімаўся.