Расея праваліла падрыхтоўку рэзервістаў для вайны супраць Украіны
1- 17.08.2022, 16:51
- 5,712
Летась Мінабароны РФ правяло вучэнні з удзелам 38 тысяч рэзервістаў.
Аднак ваяваць ва Украіне пагадзілася не больш за 8 000 чалавек.
Пра гэта паведамляе Управа стратэгічных камунікацый Украіны.
Праграма БВРС — баявы вайсковы рэзерв спецыяльны, мела на мэце падрыхтаваць рэзервістаў для ўдзелу ў вайне супраць Украіны. Удзел у гэтым праекце разглядаўся службай «на паўстаўкі».
«У дзяржаўных расейскіх СМІ байцоў БВРС называюць «добраахвотнікамі», хаця яны ваююць за заробак: прапануюць 205 000 рублёў за месяц», — гаворыцца ў паведамленні.
Аднак па факце, замест вайсковых кантрактаў ідзе афармленне па дамове, без указання наймальнікаў і аплатнікаў. Афіцыйна гэтая структура не ўваходзіць у Мінабароны РФ, а члены такой групоўкі маюць складанасці з афармленнем статусу ветэрана, лячэннем і выплатай грошай.