У Беларусі хочуць правяраць практычныя навыкі медыкаў пры прыёме на работу

Медыкам давядзецца здаваць дадатковыя экзамены.

Міністр аховы здароўя Дзмітрый Піневіч даручыў рэктару Беларускай медыцынскай акадэміі паслядыпломнай адукацыі (БелМАПА) Аляксею Чуканаву распрацаваць сістэму тэставання медыкаў пры прыёме на працу.

Плануецца, што медыцынскія спецыялісты будуць здаваць іспыты з выкарыстаннем практычных навыкаў, якія пацвярджаюць кампетэнцыі для працы на новай пасадзе. У далейшым гэта прывядзе да акрэдытацыі кожнага лекара, паведамляе прэс-служба Міністэрства аховы здароўя.

Падчас наведвання цэнтра БелМАПА міністр таксама паставіў наступныя задачы:

распрацаваць сістэму атэстацыі медыцынскіх работнікаў у рамках 160-гадзіннай падрыхтоўкі, прадугледжаных пастановай Міністэрства аховы здароўя ад 28 траўня 2021 г. №70;

укараніць сістэму здачы кваліфікацыйнага экзамену пры прыёме медыцынскага працаўніка на працу ў арганізацыю аховы здароўя.