Швэдскія навукоўцы стварылі імплант, які вяртае зрок сляпым
- 17.08.2022, 21:05
- 7,050
Зрок ужо выпала вярнуць 20 пацыентам.
Навукоўцы з Лінчэпінгскага ўніверсітэта стварылі імплант рагавіцы з калагена, які дапамагае сляпым людзям аднавіць зрок.
Праз дыстрафію або эрозію рагавіцы штогод у свеце больш за мільён чалавек трацяць зрок. І аднавіць яго можна, перасадзіўшы рагавіцу ад донара-чалавека, але такую аперацыю дазволіць сабе можа не кожны.
Навукоўцы з Лінчэпінгскага ўніверсітэта стварылі імплант рагавіцы, атрыманы са свіной скуры, які можа быць перспектыўнай альтэрнатывай донарскай рагавіцы.
Аб гэтым паведамляе New Atlas.
Эксперты адзначаюць, што такі імплант нашмат прасцей дастаць і ён даўжэй захоўваецца, а сама тэхналогія вытворчасці не мае патрэбы ў спецыялізаваным абсталяванні.
Даследчык Мехрдад Рафат адзначыў, што разам з суполкай прыклаў максімум намаганняў, каб стварыць імплант для аднаўлення зроку, які будзе даступны ўсім, а не толькі багатым людзям.
Вядома, што рагавіца складаецца збольшага з бялку калагену. Каб стварыць альтэрнатыву рагавіцы чалавека, даследчыкі выкарыстоўвалі малекулы калагену, атрыманыя са свіной скуры. Апошняя была ачышчаная і апрацаваная ў адпаведнасці з усімі стандартамі ўжывання ў медыцынскіх мэтах.
Выпрабаванні новых імплантаў праводзіліся ў Іране ды Індыі - краінах, дзе шмат якія людзі, якія хварэюць на пацямненне рагавіцы і дрэнны зрок, не могуць атрымаць імплант праз нізкі доступу да транспланталогіі. У часе даследавання зрок выпала вярнуць 20 пацыентам.