29 сакавiка 2024, Пятніца, 19:01
Падтрымайце
сайт
Сім сім,
Хартыя 97!
Рубрыкі

Зброя, якой выхваляецца Пуцін, неэфектыўная

3
Зброя, якой выхваляецца Пуцін, неэфектыўная

ВПК Расеі безнадзейна састарэлы.

На форуме "Армія-22", які праводзяць у краіне-агрэсары Расеі, паказваюць нібыта высокаэфектыўную расейскую зброю. Напраўду яна састарэлая і неэфектыўная, а новых распрацовак вайсковы прамысловы комплекс акупантаў не выдае.

Пра гэта паведамілі на Facebook-старонцы Цэнтра стратэгічных камунікацый і інфармацыйнай бяспекі. Там падкрэслілі, што сапраўдныя магчымасці ўзбраення акупацыйнага войска Расеі прадэманстравала вайна ва Украіне.

ВПК агрэсараў да гэтага часу карыстаецца савецкімі дасягненнямі, у параўнанні з заходнімі аналагамі яны адсталыя.

“Вытворчасць узбраення РФ залежыць ад заходняй электронікі і прадпрыемстваў з Украіны. Ні да першага, ні да другога доступ расейцы атрымаць не могуць. ВПК РФ прыходзіць у заняпад, як і іншыя галіны расейскай эканомікі, - прадпрыемствы прастойваюць, работнікі застаюцца без працы”, - гаворыцца ў паведамленні.

У СтратКаме таксама адзначылі, што кіраўніцтва расейскага войска падстаўляе сваіх жа салдат пад смяротную небяспеку, адпраўляючы іх на вайну ва Украіну на састарэлай тэхніцы.

“Трафейная расейская тэхніка - з вытворчым бракам, а такім чынам, РФ падстаўляе сваіх жа салдат небяспекі пры яе эксплуатацыі. А серыя пажараў і выбухаў на прадпрыемствах ВПК сведчыць аб намерах чыноўнікаў схаваць рэальны стан галіны”, - дадалі ва ўстанове.

Напісаць каментар 3

Таксама сачыце за акаўнтамі Charter97.org у сацыяльных сетках