Брытанская выведка расказала, чаму ў расейскіх танкаў адлятаюць вежы

Баявая тэхніка РФ дужа слабая.

Брытанская выведка паведаміла аб надзвычайнай слабасці танкаў расейцаў ва Украіне.

Пра гэта гаворыцца ў паведамленні Мінабароны Вялікабрытаніі.

«Моцнае знясіленне расейскіх асноўных баявых танкаў ва Украіне, магчыма, часткова звязана з тым, што Расея не змагла ўсталяваць і належным чынам прымяніць адпаведную дынамічную браню (ERA). Пры правільным выкарыстанні ERA змяншае эфектыўнасць уваходных набояў да таго, як яны трапяць у танк. Гэта сведчыць аб тым, што расейскія сілы не выправілі культуру дрэннага выкарыстання ERA, якая бярэ свой пачатак з Першай чачэнскай вайны ў 1994 годзе», - гаворыцца ў паведамленні.

Адзначаецца, што цалкам магчыма шматлікім расейскім танкавым экіпажам бракуе навучанасці падтрымліваць ERA, што прыводзіць або да дрэннага падганяння выбуховых элементаў, або да яе поўнай адмовы.

«Гэтыя хібы, магчыма, спрыяюць распаўсюджаным выпадкам катапультавання вежы, якія добра задакументаваныя на відэа відавочцаў з Украіны. Падчас вайны расейскія камандзіры не змаглі забяспечыць баявую дысцыпліну на нізкім узроўні, напрыклад, выкарыстанне ERA. Кумулятыўны эфект гэтых няўдач, магчыма, з'яўляецца істотным фактарам нізкай эфектыўнасці расейскіх сіл», - дадалі ў ведамстве.