УСУ нанеслі новыя ўдары па стратэгічна важным для расейцаў мосце ў Новай Кахоўцы
3- 18.08.2022, 10:49
- 6,236
Праезд цяжкай тэхнікі па ім немагчымы.
Украінскае войска нанесла новыя ўдары па мосце каля Навакахаўскай ГЭС, па якім акупанты перакідваюць цяжкую тэхніку.
Пра гэта ў Telegram паведаміў ваенны карэспандэнт Андрэй Цапліенка.
Гэта не першы ўдар па мосце. Напярэдадні акупанты выхваляліся, што яго адрамантавалі.
У той жа час праезд цяжкай тэхнікі па ім немагчымы, расказала ў эфіры ўкраінскага тэлемарафону начальніца аб'яднанага каардынацыйнага прэс-цэнтра сіл абароны поўдня Наталля Гумянюк.
«Паводле нашай інфармацыі, праезд магчымы хіба што легкавога аўтатранспарту, на якім яны (расейскія акупанты) і спрабуюць эвакуаваць сабе самае дарагое», - адказала яна.
Гумянюк дадала, што мост пад агнявым кантролем УСУ.