CNN Turk: Пуцін намякнуў на наўпроставыя перамовы з Зяленскім

У Крамлі праз несуцяшальныя вынікі вайны пастанавілі даць задні ход.

Прэзідэнт РФ Уладзімір Пуцін намякнуў на гатоўнасць да асабістых перамоваў з прэзідэнтам Украіны Уладзімірам Зяленскім. Аб сваёй гатоўнасці да сустрэчы ён нібыта заявіў турэцкаму лідару Рэджэпу Таіпу Эрдагану падчас сустрэчы ў Сочы 5 жніўня.

Пра гэта паведамляе CNN Turk. Раней Пуцін 4 разы адпрэчыў прапановы Зялонскага аб асабістых перамовах.

Выданне нагадвае, што з пачатку поўнамаштабнай вайны 24 лютага 2022 года ўкраінскі прэзідэнт чатыры разы прапанаваў асабістую сустрэчу. Аднак у Крамлі прапановы зняпраўджвалі, заяўляючы, што «няма канкрэтнага пытання, якое маглі б абмяркоўваць кіраўнікі дзяржаў».

Аднак амаль праз паўгода жорсткай вайны, падчас якой Расея нясе зруйнавальныя страты, у Крамлі, відавочна, наважылі даць задні ход. Напярэдадні трохбаковага саміту Зяленскага, Эрдагана і генсака ААН Антоніу Гутэрыша ў Львове назіраецца, з Расеі даносяцца паведамленні, што Пуцін нібыта гатовы да асабістай сустрэчы з прэзідэнтам Украіны.

Паводле інфармацыі выдання, атрыманай з «расейскіх крыніц», Пуцін намякнуў, што можа сустрэцца з лідарам Украіны Уладзімірам Зяленскім на саміце ў Сочы 5 жніўня. Калі раней у Крамлі падставай для асабістай сустрэчы прэзідэнтаў называлі папярэднія дамоўленасці на ўзроўні дэлегацый у перамоўным працэсе, то цяпер чарговасць крокаў можа быць змененая.

«Першая пазіцыя Расеі ў перамовах з Украінай: «Па-першае, няхай дэлегацыі вызначаюць дарожную мапу. Няхай потым лідары правядуць саміт». Цяпер, каб спыніць вайну, расейскі бок заявіў: «Па-першае, лідары могуць абмеркаваць і вызначыць дарожную мапу. Затым дэлегацыі могуць пачаць працу па ўвасабленні гэтай дарожнай мапы ў жыццё», - піша выданне.

У той жа час, у CNN Turk мяркуюць, што трохбаковыя перамовы лідараў Турцыі, Украіны і ААН у Львове 18 жніўня могуць садзейнічаць «дасягненню сталага спынення агню».

«Нават калі канчатковага міру на Украіне не будзе дасягнута, дасягненне сталага спынення агню, прынамсі, будзе залежаць ад паведамленняў, якія Зяленскі перадасць прэзідэнту Эрдагану ў прысутнасці Генеральнага сакратара ААН Гутэраша на саміце ў Львове», – адзначае выданне.

Нагадаем, 18 жніўня Зяленскі ў Львове правядзе перамовы з Гутэрышам і Эрдаганам. Прынамсі, на парадку дня будзе сітуацыя вакол Запарожскай АЭС, якую захапілі, а ў апошнія тыдні і абстрэльваюць расейскія войскі. Таксама бакі абмяркуюць экспарт збожжа з украінскіх партоў і масавае пакаранне смерцю ўкраінскіх ваеннапалонных у калоніі акупаванай Аленаўкі.

Генеральны сакратар ААН Гутэрыш прыбыў у Львоў напярэдадні сустрэчы, 17 жніўня. Да абеду 18 жніўня стала вядома аб прыбыцці Эрдагана.