Расея пагражае спыніць ЗАЭС
18- 18.08.2022, 14:33
- 10,248
Гэта можа прывесці да непрадбачаных наступстваў.
Расейскае вайсковае камандаванне пагражае спыніць працу найбуйнейшай у Еўропе Запарожскай атамнай электрастанцыі.
Расейскае прапагандысцкае агенцтва РІА «Новости», якое цытуе начальніка войскаў радыяцыйнай, хімічнай і біялагічнай абароны УС РФ генерал-лейтэнанта Ігара Кірылава:
- Звяртаем вашу ўвагу, што пры прадаўжэнні негатыўнага развіцця сітуацыі, звязанай з абстрэламі атамнай станцыі Украінай, можа быць разгледжанае пытанне аб вывадзе ў «халодны рэзерв» 5 і 6 энэргаблокаў, што прывядзе да спынення Запарожскай АЭС».
Расея акупавала ЗАЭС яшчэ на першых этапах вайны і ўтрымлівае на яе тэрыторыі вайсковую тэхніку і боепрыпасы. Таксама неаднаразова фіксавалі абстрэлы менавіта з тэрыторыі ЗАЭС.