Палітолаг: Украінскія войскі пойдуць на Гомель і іншыя гарады Беларусі
48- 19.08.2022, 11:29
- 41,496
Гэта можа стаць адказам на ўдары РФ па Кіеве і Львове з беларускай тэрыторыі.
На сайце «Главред» адбыўся чат з дырэктарам Інстытута трансфармацыі грамадства, палітолагам і эканамістам Алегам Саскіным.
Экспэрт заявіў аб магчымасці пераносу баявых дзеянняў на тэрыторыю Беларусі:
- Апошнія падзеі сведчаць аб тым, што Расея не можа дасягнуць якога-небудзь адчувальнага выніку нідзе: ні ў Херсонскай, ні ў Запарожскай, ні ў Харкаўскай абласцях. Хіба што крыху, на 10 км, прасунуліся каля населеных пунктаў Аўдзееўка і Пяскі. І ўсё.
Таму адзінае, што можа ў гэтай сітуацыі Расея - эскалаваць узровень баявых дзеянняў і нанесці ўдар па Кіеве з тэрыторыі Беларусі. Мікалаеў, Запарожжа, Марганец, Нмкаполь, Харкаў - гэтыя гарады Расея і так бесперапынна бамбіць. Пры гэтым расейцы завозяць С-300 і С-400 у Беларусь, адпаведна, могуць паспрабаваць ударыць з беларускай тэрыторыі па Кіеве і Львове.
Калі будзе нанесены ўдар па Кіеве ці Львову, то ў адказ будзе ўдар па Беларусі (па Гомелі - адназначна) і па прымежных расейскіх гарадах: Белгараду, Бранску, Курску, гэта значыць вайна зойдзе на тэрыторыю Расеі. Украінскія войскі пойдуць на Гомель і ўсе прымежныя гарады РФ… Адразу будзе захоплены Магілёў і не толькі. Ніхто не спыніцца.