«Няўжо дабраліся да нас»: у Крыме паніка з-за выбухаў у Севастопалі і Керчы
17- 19.08.2022, 8:36
- 25,752
Жыхары Керчы паведамілі, што бачылі ракеты, якія ляцяць «з боку мора».
Паводле неафіцыйных звестак, Узброеныя сілы Украіны нібыта нанеслі новыя ўдары па расейскіх вайсковых аб'ектах.
Увечары, 18 жніўня, у акупаваным Крыме зноў раздаліся выбухі. Як паведамляюць відавочцы і мясцовыя паблікі, шэраг выбухаў пачулі і ў Керчы.
Паводле неафіцыйных звестак, Узброеныя сілы Украіны нібыта нанеслі новыя ўдары па расейскіх вайсковых аб'ектах на часова акупаванай тэрыторыі.
Пазней у УСУ паведамілі, што ў Новай Кахоўцы прагрымела больш за 10 выбухаў з боку ГЭС.
Папярэдне, у Керчы спрацавалі сістэмы супрацьпаветранай абароны. Мясцовыя жыхары паведамляюць, што было чуваць сама меней два выбухі.
Жыхары Керчы таксама паведамляюць, што бачылі ракеты, якія ляцяць «з боку мора» і ўспышкі ў небе.
Пазней у Севастопалі таксама пачалі гучаць сірэны. Мясцовыя жыхары паведамляюць, што магчыма гэта выбухі на авіябазе Бельбек.