«Нават камандзір мой на звальненне напісаў»
4- 19.08.2022, 11:41
- 24,678
Акупанты пачалі чыніць зверствы ў расейскім Белгарадзе.
Расейскі вайсковец, знаходзячыся на Харкаўшчыне, расказаў пра адмову камандавання ў іх ратацыі. Прычынай паслужыла тое, што акупанты на замену згвалтавалі трох няпоўнагадовых дзяўчат у Белгарадзе (РФ).
Сам захопнік у размове з маці прызнаўся, што пагадзіўся паехаць на вайну праз грошы, а цяпер шукае шляхі ўцячы з Украіны. Аўдыяперахоп апублікавала на YouTube Галоўная ўправа выведкі Мінабароны Украіны.
«Нават камандзір мой на звальненьне напісаў. Усе на адмову. 30 чалавек. Нават сам падпалкоўнік напісаў», – заявіў акупант, пераконваючы маці, што праз гэта ў турму яго не адправяць.
Расейка ў адказ адзначыла, што ў іх «усе да адвакатаў бегаюць» праз падобныя адмовы мужчынаў ваяваць. Яна выказала сумнеў, што яе сыну падпішуць адпаведны рапарт.
«Ды за намі ўжо два дні бегаюць, ж*пы ліжуць. Гавораць, вось давайце мы вас на 10 дзён у адпачынак выправім. А я сказаў, калі вы мяне ў адпачынак адпусціце, то я не прыеду назад», – выказаўся акупант.
Ён пагадзіўся са словамі маці, што ў Белгарадзе «сядзіць 500 чалавек» – вайскоўцаў, якія павінны іх замяніць на занятых пазіцыях ва Украіне. Аднак дадаў, што тых не пускаюць, бо некаторых з іх абвінавачваюць у згвалтаванні няпоўнагадовых расеек.
«Людзі ў Белгарадзе згвалтавалі трох дзяўчатаў – 14, 15 і 17 гадоў. Таму яны не адпраўляюць больш, бо тыя людзей гвалцяць», – заявіў расейскі вайсковец.
Жанчына хоць і здзівілася, назваўшы гэта «жахам», але тут жа надумала падкрэсліць, што мужчынаў у РФ «гвалтам» прымушаюць падпісваць кантракты і ісці ваяваць. Сын запярэчыў, падкрэсліўшы, што не можа такога быць.
«Мама, яны могуць грошы прапанаваць, а тыя дэ*ілы пагадзіцца, як мы пагадзіліся за грошы ехаць», – расказаў праўду акупант.