5 снежня 2022, панядзелак, 13:43
Сім сім, Хартыя 97!
Рубрыкі

Куды знік Макей?

17
Куды знік Макей?
УЛАДЗІМІР МАКЕЙ

Апошняя згадка пра лукашысцкага міністра была амаль месяц таму.

Апошняя згадка пра Уладзіміра Макея на сайце Міністэрства замежных справаў датуецца 29 ліпеня. Амаль месяц цішыні – рэдкасць для чыноўніка такога рангу. Куды ён падзеўся? Падобна, праводзіў адпачынак з сям'ёй у месцы, далёкім ад мэйнстрымных кірункаў.

Калегі Макея сказалі «Нашей Ниве», што ён быў у планавым адпачынку. Але дзе?

Адказ можна знайсці ў інстаграме, на старонцы жонкі Макея. Вера Палякова посціла фота са свайго адпачынку з геатэгам Більгяха. Гэта курортнае мястэчка на Апшаронскім паўвостраве на Каспійскім моры ў Азербайджане. Далёка не самы прэстыжны курорт. Але што рабіць, калі Еўропа для Макея цяпер зачыненая?

Хоць еўрапейцы і ўважаюць Уладзіміра Макея за датычнага да арганізацыі каналаў незаконнай міграцыі ў ЕЗ і ўціску грамадства, ён не з'яўляецца падсанкцыйнай асобай – міністру замежных справаў калідор пакідаюць адкрытым для вядзення "дыялогу". Але паехаць на адпачынак на добры курорт сям'я Макея не можа – лукашыстам цяпер гэта забараняе сістэма. Для адпачынку ім рэкамендуюць цяпер толькі "сяброўскія краіны", Азербайджан сярод іх.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».