30 лiстапада 2022, Серада, 1:00
Сім сім, Хартыя 97!
Рубрыкі

Выведка: РФ плануе падарваць будынак у Марыюпалі, дзе будуць судзіць палонных «азоўцаў»

9
Выведка: РФ плануе падарваць будынак у Марыюпалі, дзе будуць судзіць палонных «азоўцаў»
ІЛЮСТРАЦЫЙНАЕ ФОТА

Магчымы тэракт прызначаны на Дзень Незалежнасці Украіны.

Паводле аднаго са сцэнараў, Расея плануе падарваць будынак у Марыюпалі, дзе будуць судзіць палонных «азоўцаў».

Пра гэта паведамляе ГУР МА.

«На Дзень Незалежнасці Украіны акупанты плануюць правесці ў часова акупаваным Марыюпалі паказальнае “судзілішча” над палоннымі абаронцамі “Азоўсталі”. З гэтай мэтай у тэрміновым парадку пераабсталёўваецца ацалелае памяшканне Марыюпальскай камернай філармоніі. На сцэне філармоніі будуць мантавацца жалезныя клеткі. Таксама ўзводзіцца некалькі новых часовых пабудоваў побач з памяшканнем», – гаворыцца ў паведамленні.

Адзначаецца, што для таго, каб «легітымізаваць» гэтую акцыю, акупанты рыхтуюць спецыяльна навучаных «сведкаў» і завозяць прадстаўнікоў расейскіх «СМІ».

«Паводле аднаго з магчымых сцэнараў рашыстаў, яны могуць нанесці па памяшканні кропкавы ракетны ўдар. У выпадку рэалізацыі такога сцэнара, рашысты паспрабуюць традыцыйна перакласці віну за здзейсненае злачынства на Украіну», – падкрэслілі ў ГУР МА.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».