Украіна зрабіла прывабную прапанову крымскім калабарантам
8- 19.08.2022, 15:26
- 20,404
Здраднікі могуць змякчыць сабе судовы прысуд.
Крымскія калабаранты і здраднікі могуць змякчыць сабе судовы прысуд, падаўшы Украіне каштоўную інфармацыю аб вайсковых аб'ектах і тэхніцы на тэрыторыі Крыма.
Пра гэта сакратар Рады нацбяспекі і абароны Аляксей Данілаў паведаміў у Тwitter.
«Крымскія калабаранты і здраднікі могуць змякчыць судовы прысуд, падаўшы каштоўную інфармацыю Сілам абароны аб расейскіх вайсковых аб'ектах і тэхніцы на тэрыторыі АРК», - напісаў ён.
Пры гэтым Данілаў паказаў калабарантам спасылку на Telegram Службы бяспекі Украіны, куды яны могуць звярнуцца.
Ён падкрэсліў, што Крым - гэта суверэнная тэрыторыя Украіны.
«Пытанне парадку дня - пакрокавая дэмілітарызацыя паўвострава з яго наступнай дэакупацыяй», - напісаў Данілаў.