На Луганшчыне знішчаная рамонтная база расейцаў
3- 19.08.2022, 21:00
- 7,480
Мінус 50 акупантаў і сотні адзінак тэхнікі.
У паселішчы Лоцікаве Луганскай вобласці невядомыя знішчылі рамонтную базу расейцаў з вялікай колькасцю тэхнікі. Прыблізныя страты ворага складаюць блізу сто адзінак баявой тэхнікі і сама меней паўсотні акупантаў.
Пра гэта ў сваім тэлеграм-канале паведаміў кіраўнік Луганскай АВА Сяргей Гайдай.
Паводле ягоных слоў, "прылёт" быў настолькі магутны, што рамонтнай базы ў паселішчы, дзе стаяла пара танкаў і разнастайная цяжкая тэхніка, больш не існуе.