Вайсковы экспэрт распавёў, як дроны-камікадзэ дапамагаюць УСУ на фронце

Украінскія байцы «размякчаюць» абарону расейцаў.

Боепрыпас, які баражыруе, ці як яго яшчэ завуць, дрон-камікадзэ Switchblade 300 і Switchblade 600 – гэта высокадакладныя ўдарныя дроны, якія практычна выключаюць знішчэнне аператара. Калі паглядзець на працу ўкраінскіх артылерыстаў, якія выкарыстоўваюць набоі класа Excalibur, то яны працуюць паводле прынцыпу размякчэння абароны расейскіх.

Пра гэта ў інтэрв'ю "Обозреватель" расказаў ваенны экспэрт Уладзіслаў Селязнёў.

“Знішчаюцца камандныя пункты, казармы з асабовым складам, месцы захоўвання тэхнікі, склады, базы, арсеналы з боепрыпасамі для таго, каб стварыць такія ўмовы для расейскіх камандзіраў, калі яны будуць вымушаныя адыходзіць пад уплывам украінскіх сіл абароны, бо няма чым абараняцца - усё знішчана , усё згарэла”, - адзначыў экспэрт.

Разам з тым, апошнім часам расейскія акупанты робяць незразумелыя перасоўванні: трыма мастамі праз Дняпро у раёне Херсона перамяшчаюцца то ў адным, то ў зваротным кірунку. Са слоў Селязнёва, ворагу не зусім зразумела, як праводзіць наступальную аперацыю аператыўнага ўзроўню.

“Такая колькасць сіл і сродкаў, якія выкарыстоўвае Расея на гэтым адцінку, гэта ўжо аператыўны ўзровень. Як забяспечваць гэтую групоўку войскаў - не зразумела. Тры масты, якія знаходзяцца пад агнявым кантролем і час ад часу ўзлятаюць у паветра і становяцца непраходнымі для варожай тэхнікі - з такой камунікацыяй цяжка дзейнічаць эфектыўна і мець поўную ўпэўненасць у тым, што лагістыка расейскага войска будзе дакладнай і бесперабойнай. Цалкам магчыма, што адна з прычын, чаму РФ не прыняла канчатковай пастановы, куды ж наступаць сваёй ардой, звязана з тым, што яны пакуль не закрылі пытанне купавання пагрозы ўкраінскіх РСЗА HIMARS і высокадакладных набояў. Ёсць запыт на абарону, але расейская тэхніка не здольная рэалізаваць гэты запыт”, - адзначыў ён.