28 верасня 2022, Серада, 15:58
Сім сім, Хартыя 97!
Рубрыкі

Іран заявіў, што не дасць Расеі карыстацца сваім спадарожнікам

13
Іран заявіў, што не дасць Расеі карыстацца сваім спадарожнікам

«Хаям» пашырыць магчымасці Тэгерана ў шпіянажы на Блізкім Усходзе.

Касмічны апарат будзе падпарадкоўвацца толькі Тэгерану. Ён непрыдатны для вайсковых мэт іншых краін, сцвярджаюць у Іранскім касмічным агенцтве.

Расея не зможа выкарыстоўваць спадарожнік «Хаям» у выведвальных мэтах, у тым ліку і супраць Украіны. Аб гэтым напярэдадні паведаміла Іранскае касмічнае агенцтва, піша korrespondent.net.

Сцвярджаецца, што цэнтр кіравання працай спадарожніка будзе знаходзіцца на тэрыторыі Ірана, і ўсе каманды, звязаныя з яго кантролем і эксплуатацыяй, з першага дня і адразу пасля запуску будуць выконвацца іранскімі адмыслоўцамі.

«Ніякая іншая краіна не будзе мець доступу да гэтай інфармацыі. Чуткі аб выкарыстанні спадарожнікавых фота ў ваенных мэтах іншай краіны не адпавядаюць рэчаіснасці», - запэўнілі ў агенцтве.

Таксама пазначана, што адпраўка каманд і атрыманне інфармацыі з гэтага спадарожніка «ажыццяўляецца цалкам праз зашыфраваны алгарытм».

Нагадаем, 9 жніўня Расея рыхтуецца вывесці іранскі спадарожнік на арбіту з касмадрома Байканур у Казахстане. Газета The Washington Post паведаміла, спасылаючыся на заходнія выведслужбы, што «Хайям» павінен значна пашырыць магчымасці Тэгерана ў шпіянажы за ваеннымі аб'ектамі на Блізкім Усходзе. Аднак перад гэтым, паведамляла выданне, Масква мела намер выкарыстоўваць касмічны апарат для назірання за ўкраінскімі ўзброенымі сіламі.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».