4 снежня 2022, Нядзеля, 1:37
Сім сім, Хартыя 97!
Рубрыкі

Сэнатары ЗША ціснуць на Байдэна для прызнання Расеі спонсарам тэрарызму

18
Сэнатары ЗША ціснуць на Байдэна для прызнання Расеі спонсарам тэрарызму

Ад амерыканскага прэзідэнта дабіваюцца ўзмацнення ціску на Крэмль.

Сэнатар-дэмакрат Рычард Блюменталь і сэнатар-рэспубліканец Ліндсі Грэм заклікалі адміністрацыю прэзідэнта ЗША Джо Байдэна прызнаць Расею дзяржавай-спонсарам тэрарызму ўжо зараз.

Як паведамляе CNN, сэнатары будуць падштурхоўваць Кангрэс да прыняцця законапраекта аб прысваенні гэтага статусу РФ незалежна ад падтрымкі Байдэна, піша «Новое время».

Са слоў амерыканскіх палітыкаў, Байдэн павінен узмацніць ціск на расейскага дыктатара Уладзіміра Пуціна і працягваць дапамагаць Украіне ва ўмовах уварвання.

"Я спадзяюся, што прэзідэнт надумае добраахвотна заняць гэту пазіцыю, і ён не выключыў яе з абмеркавання дзяржавы-фундатара тэрарызму", - сказаў Блюменталь.

Грэм хоча, каб адміністрацыя Байдэна ўзаемадзейнічала з Кангрэсам для абвяшчэння Расеі спонсарам тэрарызму, але, паводле ягоных слоў, Кангрэс гатовы прасоўваць закон, які гэтага патрабуе, нягледзячы ні на што.

28 ліпеня Сэнат ЗША аднагалосна ўхваліў рэзалюцыю, якая заклікае Дзяржаўны дэпартамент абвясціць Расею дзяржавай-спонсарам тэрарызму.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».