7 кастрычнiка 2022, Пятніца, 18:43
Сім сім, Хартыя 97!
Рубрыкі

Паліцыя Латвіі больш не будзе ахоўваць расейскія консульствы

7
Паліцыя Латвіі больш не будзе ахоўваць расейскія консульствы

Рыга звужае дыпламатычныя стасункі з Масквой.

Паліцыя Латвіі больш не будзе ахоўваць генеральныя консульствы Расейскай Федэрацыі ў Даўгаўпілсе і Ліепаі.

Аб гэтым піша латвійскі партал LMS, паведамляе «Еўрапейская праўда».

Дыпламатычныя работнікі гэтых консульстваў абвешчаныя ў Латвіі непажаданымі асобамі.

У красавіку пастанавілі адклікаць згоду на працу гэтых генеральных консульстваў, такім чынам, закрыўшы консульскія прадстаўніцтвы РФ. Усім выгнаным супрацоўнікам трэба было пакінуць краіну да 30 красавіка.

У пачатку красавіка міністр замежных спраў Латвіі Эдгар Рынкевіч паведаміў, што, улічваючы ваенныя злачынствы войска Расейскай Федэрацыі ва Украіне, Латвія звужае дыпламатычныя стасункі з Расеяй, закрыўшы яе генеральныя консульствы ў Даўгаўпілсе і Ліепаі. Тады ж была прынятая пастанова аб высылцы 13 расейскіх дыпламатаў.

Нагадаем, пасольства Латвіі ў Расеі спыніла на нявызначаны тэрмін выдачу ўсіх віз для грамадзян Расеі з адзіным выняткам.

Латвія таксама прыпыніла дзеянне міжурадавага пагаднення з Расеяй аб эканамічным супрацоўніцтве.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».