Да +26°С будзе ў Беларусі 9 жніўня

Пройдуць кароткачасовыя дажджы.

Пераважна без ападкаў і да 26 градусаў будзе ў Беларусі 9 жніўня. Пра гэта паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У аўторак, 9 жніўня, будзе пераменная воблачнасць і пераважна без ападкаў. Толькі днём месцамі па паўночна-заходняй палове краіны пройдуць кароткачасовыя дажджы, магчымыя навальніцы. У начны і ранішні час у асобных раёнах будзе слабы туман.

Вецер паўночны 3–8 м/с, пры навальніцах парывы ўзмоцняцца да 14 м/с. Тэмпература паветра ноччу складзе плюс 8–14 градусаў, днём – плюс 20–26 градусаў.