У Гомелі 20-гадовая афіцыянтка набыла Tesla за 65 тысячаў еўраў
46- 8.08.2022, 18:37
- 39,286
У падатковай узніклі пытанні.
20-гадовая жыхарка Гомельскага раёна набыла Tesla за 64 тысячы еўраў. У падатковай з'явіліся да дзяўчыны пытанні наконт крыніцаў прыбытку, піша партал «Белка».
Падатковыя інспектары мясцовай ІМПЗ папрасілі ўладальніцу аўто растлумачыць, адкуль у яе пры наяўнасці нязначных афіцыйных крыніцаў прыбытку ўзяліся сродкі на дарагі аўтамабіль. Дзяўчына патлумачыла, што пазычыла іх у грамадзяніна Расеі. Аднак гэтая інфармацыя ў выніку кантрольнай праверкі не пацвердзілася.
У інспекцыі МПЗ налічылі, што выдаткі дзяўчыны перавышаюць яе прыбыткі на 138.452 рублёў. І абавязалі выплаціць падатак з гэтай сумы памерам большым за 27 тысячаў рублёў.
Калі ўладальніца аўто не заплаціць гэтую суму за 30-дзённы тэрмін, сродкі ў бюджэт будуць спаганяцца прымусова.