5 снежня 2022, панядзелак, 13:41
Сім сім, Хартыя 97!
Рубрыкі

Расейскія прапагандысты ўжо не хаваюць, што РФ адпраўляе на вайну зняволеных

10
Расейскія прапагандысты ўжо не хаваюць, што РФ адпраўляе на вайну зняволеных

Вярбоўшчыкі ад ПВК «Вагнера» пабывалі ўжо як мінімум у 17 калоніях у 10 рэгіёнах РФ.

Расейскія прапагандысты ў сваіх сюжэтах прызналі, што РФ адпраўляе на вайну ва Украіну зняволеных.

Напрыклад, прапагандыст Мікіта Міхалкоў у сваёй праграме Бесагон ТВ распавёў пра адзін такі выпадак, якіх, магчыма, нямала, паведамляе «Медуза».

У сваёй праграме Міхалкоў расказвае пра «гераічную» гібель зняволенага Канстанціна Тулінава на Данбасе.

«У лютым 2023 года ён мог выйсці на волю. Але вясной 2022 года ён падаў прашэнне з просьбай адправіць яго на фронт, на Данбас. Гэтае прашэнне было задаволенае», - заявіў Міхалкоў.

Акрамя таго, у сюжэце ёсць каментар нібыта «аднапалчаніна» Тулінава, які сцвярджаў, што зняволенаму «перабіла ногі». Паводле ягоных слоў, Тулінаў нібыта прыкрываў адступленне і падарваў сябе разам з трыма ўкраінскімі вайскоўцамі, калі астатнія вырашылі адысці ў сховішча. Гэта адбылося 14 ліпеня.

«Дзяржава адказала яму падзякай за яго подзвіг. Пасмяротна ён быў памілаваны і быў прыраўнаваны да ўдзельнікаў баявых дзеянняў з усімі адсюль ільготамі і выплатамі, якія належаць сем'ям загінулых», - сцвярджае прапагандыст.

Са звестак расейскіх СМІ, гэта мог быць анстанцін Тулінаў, які ў 2019 годзе праславіўся тым, што ў СІЗА Крыжы ўдзельнічаў у збіванні і катаваннях зняволеных.

Ён апынуўся ў ліку першых зняволеных ПК-7 Ябланеўка, каго завербавала ПВК Вагнера. Са слоў сваякоў асуджаных, першую групу вывезлі ўночы 6 ліпеня, як мяркуецца, 9-10 ліпеня яны прыехалі ў Растоў-на-Доне, дзе яны на працягу двух тыдняў павінны былі трэніравацца, а затым адправіцца на вайну.

Раней расейскія СМІ паведамлялі, што вярбоўшчыкі ад ПВК «Вагнера» пабывалі ўжо як мінімум у 17 калоніях у 10 рэгіёнах Расеі. Іх прапановы прынялі больш за тысячу зняволеных.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».