ЗША выдалі ваенны пакет для Украіны на $1 мільярд
4- 8.08.2022, 20:56
- 8,754
Што туды ўвайшло.
Міністэрства абароны ЗША санкцыянавала выдачу Украіне новага пакета ваеннай дапамогі на 1 млрд даляраў.
ЗША выдалі ваенны пакет для Украіны на $1 мільярд
Пра гэта паведамляе сайт Пентагона.
Паведамляецца, што ваенная дапамога прадугледжаная для задавальнення крытычна важных патрэб Украіны ў галіне бяспекі і абароны. Яе будуць пастаўляць з запасаў амерыканскага Мінабароны.
Магчымасці новага пакета ўключаюць:
Дадатковыя боепрыпасы для HIMARS;
75 000 боепрыпасаў для 155-мм артылерыі;
20 дадатковых 120-мм мінамётных сістэм і 20 000 боепрыпасаў да іх;
Боепрыпасы для зэнітна-ракетных комплексаў NASAMS;
1 000 Javelin і сотні супрацьтанкавых сістэм AT4;
50 браняваных медыцынскіх аўтамабіляў;
Супрацьпяхотныя боепрыпасы Claymore;
Выбухоўку С-4, падрыўныя боепрыпасы і падрыўное абсталяванне;
Медыцынскае абсталяванне, у тым ліку аптэчкі, бінты, маніторы і іншае абсталяванне.