ДАІ прапануе забараніць выкарыстанне самакатаў у цэнтры Менска на выходных

А ў іншых частках - абмежаваць хуткасць.

У мэтах бяспекі ў асобных частках сталіцы плануецца ўвесці зоны абмежавання хуткасці руху на шэрынгавых сродках персанальнай мабільнасці (ХМД — самакат і электрасамакатаў). Пра гэта 22 верасня гаварылася на пасяджэнні гарадской камісіі па гарантаванні бяспекі дарожнага руху пад кіраўніцтвам старшыні Менгарвыканкама Уладзіміра Кухарава, перадае агенцтва «Минск-Новости».

Паколькі ў Менску ёсць нямала месцаў, дзе адзначаецца вялікая колькасць пешаходаў, веласіпедыстаў і карыстальнікаў СПМ, а шырыня ходнікаў недастатковая, ДАІ прапануе ў мэтах павышэння бяспекі дарожнага руху вызначыць тры зоны з абмежаваннем хуткасных рэжымаў для апошніх: 1-я зона — не больш за 20 км/г, «ціхая зона» - не больш за 15 км/г, зона забароны руху (тэрыторыя Верхняга горада ў межах вул. Інтэрнацыянальнай, Леніна, М. Багдановіча, Я. Купалы - з 20.00 пятніцы да 8.00 панядзелка, за выключэннем цэнтральнай веладарожкі).

У ДАІ таксама агучылі статыстыку - за 8 месяцаў гэтага года карыстальнікі самакатаў і электрасамакатаў у Менску сталі ўдзельнікамі 14 ДТЗ з пацярпелымі.

Нагадаем, з 27 кастрычніка 2022 года ўступаюць у законную сілу змяненні ў Правілы дарожнага руху, згодна з якімі ўдакладняецца парадак руху веласіпедыстаў і карыстальнікаў СПМ. Пры выкарыстанні СПМ неабходна рухацца па веласіпеднай дарожцы, а пры яе адсутнасці - па ходніку, пешаходнай дарожцы або ўзбочыне, не ствараючы перашкод для іншых пешаходаў. Пры выкарыстанні СПМ забараняецца рухацца з хуткасцю больш за 25 км/г, не трымацца за стырно (пры яго наяўнасці), перавозіць іншых асоб па-за спецыяльна абсталяванымі месцамі для сядзення, прадугледжанымі канструкцыяй СПМ. Нельга выкарыстоўваць СПМ асобам ва ўзросце да 14 гадоў (акрамя пешаходных і жылых зон).