Дэмаралізаваныя расейскія жаўнеры прадалі УСУ бронеаўтамабіль «Тыгр»
8- 23.09.2022, 12:14
- 15,670
Тэхніку паказаў кіраўнік Мікалаеўскай вобласці Віталь Кім.
Кіраўнік Мікалаеўскай АВА Віталь Кім паказаў расейскі бронеаўтамабіль «Тыгр», які прадалі вайскоўцы РФ.
Відэа ён апублікаваў у сваім Telegram-канале.
Кім адзначыў, што аўтамабіль знаходзіцца не ў самым найлепшым стане - акупанты яго рамантавалі нават з дапамогай вечка ад рондаля.
«Гэта нічога. Мы яго прывядзём у парадак. І адправім у бой. Грошы плацім», - распавёў Кім.
Ён заклікаў іншых вайскоўцаў РФ прадаваць сваю тэхніку. Умовы апублікаваныя ў Telegram-канале «Мікалаеўскі Ванёк».
Адзначаецца, што за расейскі бронеаўтамабіль Кім заплаціў пяць тысяч даляраў.
Таксама акупантам прапануюць прадаць:
танк за 50 тысяч даляраў
БМП, БМД і т. д. - 25 тысяч даляраў
РСЗА - 15 тысяч даляраў
САУ і т. д. - 10 тысяч даляраў
браняваныя машыны - 5 тысяч даляраў.