Мінабароны РФ раскрыла, каго можа вызваліць ад мабілізацыі

Падставай стануць спісы, якія працадаўцы павінны перадаць у Генштаб.

Мінабароны РФ паведаміла, каго не будзе набіраць на службу для мабілізацыі, піша РБК.

Ад яе вызваляць:

спецыялістаў у галіне інфармацыйных тэхналогій, "задзейнічаных у распрацоўцы, развіцці, укараненні, суправаджэнні і эксплуатацыі развязанняў у галіне інфармацыйных тэхналогій і забеспячэння функцыянавання інфармацыйнай інфраструктуры";

супрацоўнікаў расейскіх аператараў сувязі і задзейнічаных у забеспячэнні ўстойлівасці, бяспекі і цэласнасці функцыянавання збудаванняў сувязі, цэнтраў апрацоўкі звестак, а таксама сродкаў і ліній сувязі агульнага карыстання Расейскай Федэрацыі;

работнікаў "сістэмаўтваральных арганізацый у сферы інфармацыі і сувязі";

тых, хто працуе ў арганізацыях, якія "забяспечваюць стабільнасць нацыянальнай плацежнай сістэмы і інфраструктуры фінансавага рынку, кіраванне банкаўскай ліквіднасцю, наяўнае грашовае абарачэнне".

Падставай для вызвалення ад набору стануць спісы, якія працадаўцы перададуць у Генштаб. Мінабароны ўдакладняе, што размова ідзе аб спецыялістах, якія атрымалі адукацыю паводле адпаведных спецыяльнасцяў.